Në Kamenicë mbahet Ora Letrare, shpallen fituesit e konkursit “Lulekuqet e Prillit 2026”
Në kuadër të manifestimit kulturor “Lulekuqet e Prillit 2026”, në Kamenicë është mbajtur Ora Letrare, ku u shpallën edhe rezultatet e Konkursit Letrar.
Juria e përbërë nga Mehmetali Rexhepi, Kaltrina Berisha dhe Musa I. Ahmetaj ka vlerësuar krijimet pjesëmarrëse, duke përzgjedhur tri poezitë më të realizuara për çmimet kryesore.
Çmimi i parë i është ndarë poezisë “Shkruaj”, me shifrën 16, e cila rezultoi të jetë e autorit Zymer Kodra.
Vendin e dytë e ka zënë poezia “Por..”, me shifrën “Nëse”, me autor Sulejman Dërmaku.
Ndërkaq, çmimi i tretë i është ndarë poezisë “Vashë me aromë bliri”, me shifrën “Akoma po të pres”, me autor Muhamet Halili.
Manifestimi “Lulekuqet e Prillit” vazhdon të mbetet një ndër aktivitetet tradicionale që promovon krijimtarinë letrare dhe mbështet autorët vendorë.
