Turneu i Basketbollit 3×3 shënon Ditën Ndërkombëtare të Sportit për Paqe dhe Zhvillim
Federata e Sporteve Universitare të Kosovës (FSUNK), në bashkëpunim me Komiteti Olimpik i Kosovës, organizoi një aktivitet Basketbolli 3×3 për të shënuar 6 Prillin – Ditën Ndërkombëtare të Sportit për Paqe dhe Zhvillim.
Ngjarja u hap nga sekretari i përgjithshëm i FSUNK-së, Fidan Hamiti, i cili iu uroi studentëve suksese dhe theksoi përkushtimin e Federatës në promovimin e sportit në Kosovë dhe avancimin e vlerave të paqes në nivel global.
Në emër të KOK-ut, të pranishmëve iu drejtua Diellza Shaqiri Kelmendi, e cila falënderoi FSUNK-në për bashkëpunimin dhe organizimin e këtij aktiviteti.
Përveç mesazheve dhe vlerave që ky turne përcolli, në fund ekipet fituese u shpërblyen me medalje dhe kupa, duke nxjerrë në pah talentin dhe përkushtimin e studentëve në sport.
