Drejtori për Zhvillim Ekonomik, priti në takim përfaqësuesit e KFOR-it turk në Gjilan
Përfaqësuesit e KFOR-it turk në Gjilan, majori Rahmi Yıldırım dhe zëvendësi i tij, Murat Güneş.kanë vizituar Drejtoratin për Zhvillim Ekonomik, ku janë prit nga drejtori Haki Huruglica.
“Diskutuam për zhvillimin ekonomik të Gjilanit, potencialin që ofrojmë dhe mundësitë konkrete për bashkëpunim në mbështetje të ekonomisë lokale dhe krijimit të mundësive të reja për qytetarët”, tha Huruglica.
Përfaqësuesit e KFOR-it ndanë përvojën e tyre nga terreni, duke theksuar mbështetjen që ofrojnë për familjet e të gjitha komuniteteve përmes ndihmave dhe projekteve në arsim, bujqësi dhe zhvillim rural.
“Në një ditë me emocione sportive, biseda preku edhe ndeshjen Kosovë-Turqi, ku entuziazmi ishte i madh nga të dyja palët. Përtej rezultatit, Turqia mbetet një shtet mik dhe aleat i ngushtë i Republikës së Kosovës”, tha Huruglica.
Drejtori i Zhvillimit Ekonomik, theksoi se takimin e përmbyllën me përkushtim të përbashkët për të thelluar bashkëpunimin, me synimin që Gjilani të ketë më shumë zhvillim, më shumë vende pune dhe më shumë perspektivë për qytetarët e tij.
