Lajm i trishtë për futbollin gjilanas – ndërron jetë ish-futbollisti Bujar Ramadani “Lalushi”
Një lajm i rëndë ka tronditur sot botën e futbollit në Gjilan dhe mbarë Anamoravën. Ka ndërruar jetë ish-futbollisti i njohur gjilanas, Bujar Ramadani – Lalushi, një emër i respektuar i futbollit të viteve të 80-ta.
I lindur më 19 maj 1965, Lalushi ishte pjesë e brezit të njohur të futbollistëve lokalë, duke lënë gjurmë me paraqitjet e tij për KF Drita, si dhe për FC Kika, ku luajti për një periudhë të gjatë, madje edhe në vitet e pasluftës. Ai ishte aktiv në futboll për shumë vite, duke dëshmuar përkushtim dhe dashuri të veçantë për sportin.
⚫ Lajm i trishtë për futbollin gjilanas – ndërron jetë ish-futbollisti Bujar Ramadani “Lalushi”
Një lajm i rëndë ka tronditur sot botën e futbollit në Gjilan dhe mbarë Anamoravën. Ka ndërruar jetë ish-futbollisti i njohur gjilanas, Bujar Ramadani – Lalushi, një emër i respektuar i futbollit të viteve të 80-ta.
I lindur më 19 maj 1965, Lalushi ishte pjesë e brezit të njohur të futbollistëve lokalë, duke lënë gjurmë me paraqitjet e tij për KF Drita, si dhe për FC Kika, ku luajti për një periudhë të gjatë, madje edhe në vitet e pasluftës. Ai ishte aktiv në futboll për shumë vite, duke dëshmuar përkushtim dhe dashuri të veçantë për sportin.
Po ashtu, ai ka qenë pjesë edhe e klubit tjetër të qytetit, Ylli i Kuq. Gjatë jetës së tij, kishte qëndruar për një periudhë edhe në mërgim në Suedi, ku gjithashtu ishte angazhuar në futboll. Në komunitetin sportiv njihej si një ndër figurat e dalluara dhe shpesh përmendej si një “punëtor i palodhur” i futbollit kosovar.
Lalushi kujtohet nga bashkëlojtarët dhe tifozët si një sportist i përkushtuar, me shpirt gare dhe korrektësi të lartë në fushë, duke lënë pas kujtime të paharruara në sportin lokal.
Lajmin për ndarjen e tij nga jeta e ka bërë të ditur familja përmes një njoftimi prekës:
“Te Allahu jemi dhe tek Ai do të kthehemi.
Para pak çastesh ndërroi jetë daja im, Bujar Ramadani (Lalushi). Për kohën e varrimit do t’ju njoftojmë.
Qofsh i Xhenetit, na le me zemër të thyer.”
Vdekja e tij lë një boshllëk të madh te familja, miqtë dhe komuniteti sportiv, i cili sot humbi një figurë të respektuar dhe një kontribuues të çmuar të futbollit gjilanas.
