Komandanti i KFOR-it Turk vizitoi Spitalin e Përgjithshëm në Gjilan
Komandanti i KFOR-it Turk ka vizituar Spitalin e Përgjithshëm në Gjilan.
Vizita u realizua në Shërbimin e Gjinekologjisë, shërbim i cili luan rol thelbësor në ruajtjen dhe përmirësimin e shëndetit të grave, duke ofruar kujdes mjekësor për një numër të madh pacientesh çdo vit.
Për të garantuar shërbime cilësore, të sigurta dhe në përputhje me standardet bashkëkohore mjekësore, ekziston nevoja për përmirësim dhe pajisje shtesë në infrastrukturë, aparatura mjekësore dhe materiale.
Mbështetja nga KFOR-i Turk në formën e donacioneve do të kontribuoj drejtpërdrejtë në rritjen e cilësisë së shërbimit, përmirësimin e kushteve të trajtimit dhe në përfitim të drejtpërdrejtë të pacienteve që trajtohen në shërbimin e gjinekologjisë, thuhet në njoftimin e Spitalit të Përgjithshëm në Gjilan, në faqen zyrtare në rrjete sociale.
