Ekskluzive | Kanosën policët brenda stacionit në Gjilan, ndalohen tre të rinj
Një incident serioz ka ndodhur në orët e para të mëngjesit të 30 dhjetorit 2025, brenda Stacionit Policor në Gjilan, ku tre të rinj dyshohet se kanë kanosur zyrtarë policorë gjatë kryerjes së detyrës.
Siç mësohet nga media online, ngjarja ka ndodhur rreth orës 03:00 në rrugën “Mulla Idrizi”.
Sipas informacioneve, F. F., D. S dhe E. J., fillimisht ishin shoqëruar në stacion policor për prishje të rendit dhe qetësisë publike në rrugën e Kamenicës, afër pemëtares “Dani”.
Pas shqiptimit të gjobave sipas Ligjit për Prishjen e Rendit dhe Qetësisë Publike, të njëjtit ishin liruar.
Megjithatë, pak më vonë, ata janë kthyer sërish në stacion, duke kërkuar sqarime për gjobat. Gjatë kësaj kohe, në shenjë pakënaqësie, dyshohet se kanë kanosur me fjalë zyrtarin policor E. M., i cili ndodhej në zyrën e pranimit, si dhe një tjetër zyrtar policor, E. B.
Për rastin është njoftuar Prokurorja kujdestare e Shtetit, e cila ka urdhëruar ndalimin e tre të dyshuarve për 48 orë. Rasti është iniciuar për veprën penale “Kanosje”, ndërsa dosja e plotë është dërguar në Njësinë për Hetimin e Krimeve për procedura të mëtejme.
Hetimet lidhur me rastin janë duke vazhduar. Burimi i lajmit: Gazeta Sinjali
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
