Profesoresha e muzikës, Blerona Bucolli publikon klipin e parë “Potpuri 2026”
E diplomuar në Kolegjin AAB – Specializim, Teori muzikore – Muzikologji, Blerona Bucolli nga Gjilani, prej kohësh punon profesoresh e kësaj fushe.
Kontributi i saj me gjenerata të reja në fushën e muzikës është evident, madje në dy shkolla të Komunës së Gjilanit, dhe atë, në shkollat “Bajram Curri” dhe “Fetah Qerimi”, gjegjësisht në fshatrat Shurdhan dhe Verbicë e Zhegocit.
Blerona, krahas veprimtarisë pedagogjike me gjenerata të reja, së fundi ka realizuar dhe publikuar në kanalin Youtube një potpuri me këngë nga melosi tradicional të titulluar “Dashnija për vitin 2026”.
Ambiciet e artistes së re Blerona Bucolli janë shumë më të mëdha në fushën e muzikës, duke qenë se e bënë me pasion të theksuar dhe përkushtim permanent.
E krahas ambicieve edhe planet e saj janë të shumëta, madje në vazhdimësinë e krijimtarisë artistike muzikore, të cilat plane e ambicie do të jenë synim i së ardhmes krijuese të saj.
Pa dyshim se krijimtaria artistike krahas talentit është e lidhur ngushtë edhe me motivin krijues, për c’gjë artistja e re Bleona Bucolli është tejet e përkushtuar, motivuar dhe ambicize.
Përvec realizimit të fundit audio-vizuele të plasuar në kanalin në Youtube, me motivin që ka për muzikën në përgjithësi, Blerona pritet të jetë storie suksesi në vete!
Sic mësohet, motivi i saj në fushën e muzikës është jashtëzkonisht i madh dhe si i tillë mbetet synim primar në karrierën e saj profesionale, për c’gjë ajo do të ketë mbështetjen permanete të familjes në këtë rrugëtim aspak të lehtë artistik-muzikor.
