SHFMU “Rexhep Elmazi”, njofton: Pensionohet arsimtarja Hazife Halili
SHFMU “Rexhep Elmazi”, ka njoftuar përmes faqes së saj se është pensionuar arsimtarja, Hafize Halili.
Me këtë rast mësuesja Hafize tashmë e pensionuar, është uruar nga stafi i shkollës, i cili, i ka përgatitur një ceremoni rasti në dedikim e mirënjohje për punën e palodhshme si dhe kontributin e saj ndër vite në këtë vatër të arsimit.
“Urime pensionimin, arsimtarja Hafize Halili! – Shkolla jonë shpreh mirënjohjen dhe respektin më të thellë për arsimtaren e gjuhës shqipe, znj. Hafize Halili, e cila pas një karriere të gjatë e të ndritur në arsim, po përmbyll rrugëtimin e saj profesional me dinjitet dhe krenari:, thuhet mes tjerash në njoftim.
Poashtu, është theksuar se gjatë viteve të punës së saj, znj. Halili ka dëshmuar profesionalizëm të lartë, përkushtim të vazhdueshëm ndaj nxënësve dhe dashuri të veçantë për gjuhën dhe kulturën shqipe.
Ndërsa është poetncuar se me punën, urtësinë dhe përvojën e saj, ajo ka ndikuar në formimin arsimor dhe njerëzor të shumë brezave nxënësish, duke lënë pas një trashëgimi të çmuar arsimore e njerëzore.
“Në emër të gjithë stafit të shkollës dhe komunitetit arsimor, e falënderojmë për kontributin e jashtëzakonshëm dhe shembullin frymëzues që ka dhënë ndër vite. Urojmë që kjo etapë e re e jetës t’i sjellë shëndet, qetësi, e shumë momente të bukura me familjen dhe të dashurit e saj”, thuhet në njoftimin e shkollës, për kontributin shumëvjecar të mësueses, Hafize Halili në arsim.
