Fitorja që vlejti 400 mijë euro dhe një vend më shumë në Evropë
Me fitoren historike në fazën e grupeve të Conference League, Shkëndija siguron 400 mijë euro dhe e ngre koeficientin e vendit mbi Malin e Zi, duke garantuar katër ekipe maqedonase në Evropë nga sezoni 2027-28.
Tetovarët edhe një herë treguan se dinë si të luajnë në arenën evropiane, me zgjuarsi, durim dhe me shfrytëzim maksimal të çdo rasti që u jepet. Kështu ndodhi edhe sonte.
Kjo fitore historike, e para për ndonjë nga Maqedonia në fazën e grupeve të një gare evropiane, do t’i sjellë Shkëndijës 400 mijë euro të tjera, një shumë aspak për t’u nënvlerësuar.
Por më e rëndësishme se gjithçka është fakti se Shkëndija me këtë triumf e shpëtoi edhe ligën vendase.
Falë pikëve të fituara, koeficienti i Maqedonisë tani është mbi atë të Malit të Zi, që do të thotë se në sezonin 2027-28 vendi do të ketë katër përfaqësues në garat evropiane, ndërsa në sezonin e ardhshëm do të mbeten tre./Telegrafi/
