Ansambli “Gjilani” përkujton ish-drejtorin, Nehat Ferati – Sneki

Ansambli “Gjilani” përkujton kolegun e ndjerë, ish drejtorin artistik të ansamblit, Nehat Ferati – Sneki, në dy vjetorin e ikjes në amshim.

Në një njoftim në faqen e Ansamblit është përkujtuar e nderuar artisti e muzikani I shquar, Nehat ferati _ Snoki, i cili ka ndërruar jetë para dy vite.

Faqja zyrtare e Ansamblit Gjilani shkruan e përshkruan me theks të vecantë kontributin që Nehat Feratit-Sneki dha për ansamblin dhe muzikën në tërësi.

NJOFTIMI I PLOTË

Në përkujtim të Nehat Feratit-Sneki

Sot bëhen dy vite pa mikun, kolegun dhe udhëheqësin tonë të dashur, Nehat Ferati – drejtor i Ansamblit “Gjilani”.

Ti i dhe shumë ansamblit tonë dhe qytetit tonë. Gjithmonë do të jemi krenarë që të patëm pranë nesh dhe do të vazhdojmë rrugën ashtu siç ti e doje.

Kujtimi për ty do të mbetet i gjallë në zemrat tona, ndërsa vepra dhe kontributi yt do të jenë udhërrëfyes për brezat që vijnë.

I paharruar qoftë kujtimi për Nehat Feratin!

Me respekt. Ansambli “Gjilani”