Gjilan: Haziri kritikon vënien e gurëthemelit të Bulevardit: “Për 6 vjet, Albin Kurti e përjashtoi Gjilanin dhe Anamoravën nga investimet – ku prekën, e shkretuan!”
Gjilan: Kreu i degës së LDK-së, Lutfi Haziri kritikoi ashpër gurëthemelin e Bulevardit të Qytetit… Ai tha se “Për 6 vjet, Albin Kurti e përjashtoi Gjilanin dhe Anamoraven nga investimet – ku prekën, e shkretuan!”
Kreu i degës së LDK-së në Gjilan, Lutfi Haziri ka kritikuar ashpër në faqen e tij në rrjete sociale vënien e gurëthemelit të Bulevarditt ë Qytetitt ë Gjilanit, të hënën më 1 shtator 2025, kostoja totale e të cilit u tha se do të kapë shumën 18 milionë Euro, investim i Qeverisë së Kosovës.
LEXO EDHE: Vihet gurthemeli i Bulevardit të Qytetit, projektit më të madh në historinë e Gjilanit
POSTIMI I HAZIRIT
Për 6 vjet, Albin Kurti e përjashtoi Gjilanin dhe Anamoraven nga investimet – ku prekën, e shkretuan!
Për më keq, ai i ndali 114 milionë investime të zotuara nga ne. Per 4 vite, bedeli i tij në Gjilan dështoi edhe në një projekt të vetëm.
Projekti quhet rizhvillimi i Bulevardit “Ibrahim Rugova”. Pse në asnjë rast nuk e permendët?!
A keni tregu se çka bëni me shtatoret e Mulla Idriz Gjilanit, Kadri Zekës e Ramiz Cernices? Ku zhvendosen dhe pse duhet të zhvendosen? Nuk bëhet hajgare me qyetarët e gjallë e kurrë me shtatoret e kolosëve të vendit.
E tani?
Tani më 1 shtator në vend që fëmijët dhe prindërit të gëzohen me çerdhe të reja, hapësira shkollore apo vetë librat e garantuara, ata zgjodhen të mashtrojnë prapë. Para Kuvendit, filluan inagurimin e rizhvillimit të një copë qendre në kundërshtim me PZHK-në dhe planet urbane. Pa leje pune dhe pa buxhet të garantuar, premtuan tunel nëntokësor në zemër të qytetit. Për më keq, paralajmëruan pa leje pune, pa leje rrënimi e ndërtimi, që vazhdojnë me mashtrim.
Duam Autostradën, Impinantin për trajtimin e ujërave të zeza, rrugën e Prishtinës, Parkun e Paqes, çerdhen në “Arbëri”, rrugen për Viti, rrugën e Kumanovës e shumë projekte tjera, të cilat i ndaluat në zbatim. Duhet të jepni llogari, përse nuk i keni bërë. Pse e dëmtuat deri në stërkeqje rrugën “Adem Jashari” dhe “Hamdi Kurteshi”? Ku keni prek, keni shkretu dhe e keni kthy Gjilanin në grope të zezë financiare e avari adminsitrative. Këto janë vepra penale që nuk mund t’i shpëtoni me kohë.
Mashtrimi nuk kalon! Gjilanasit u dhanë një copë besimi, por e nëpërkëmbët për toke.
Arberi po vjen. LDK, më 12 tetor, besë e shpresë!
