Ndahet nga jeta Arsim Abazi, koleg i Teatrit Kombëtar të Kosovës
Me dhimbje të thellë, Teatri Kombëtar i Kosovës njofton ndarjen nga jeta të kolegut të tyre, Arsim Abazi, i njohur mes kolegëve si “Cima”.
Postimi i Teatrit Kombëtar të Kosovës:
Me dhimbje të thellë morëm lajmin për ndarjen nga jeta të kolegut tonë, Arsim Abazi!
Teatri Kombëtar i Kosovës ua shpreh ngushëllimet më të sinqerta të gjithë kolegëve, familjarëve, miqëve dhe të afërmve të Arsimit – Cimës tonë të dashur!
Varrimi i të ndjerit bëhet sot, në ora 16:20 në fshatin Majac!
Aktorja e njohur Shengyl Ismaili gjithashtu ka shkruar në Facebook: “Një njeri i urtë e i buzëqeshur na paska lënë sot, na mërzite Arsim, na mërzite shumë. Gjithçka e bukur në Teatër ka filluar nga Biletaria. Gjithmonë do të kujtoj të ulur në biletarinë tënde të vogël, me një libër në dorë. Lamtumirë shoki, qofsh i parajsës”.
