Trump flet rrugës për në Alaska: Kam vënë re se Putini po sjell shumë biznesmenë me vete, por kjo s’do t’i ndihmojë derisa lufta të marrë fund
Presidenti amerikan, Donald Trump, ka folur me gazetarët që po udhëtojnë për në Alaska me të në Air Force One.
Ai ka thënë se “lufta duhet të ndalet dhe vrasjet duhet të ndalen”.
Presidenti amerikan potencoi se Vladimir Putin po sjell me vete “shumë njerëz të biznesit” nga Rusia, duke shtuar: “Më pëlqen kjo sepse ata duan të bëjnë biznes”. “Por ne nuk do të bëjmë biznes derisa të zgjidhet lufta”, thotë ai. “Lufta duhet të ndalet dhe vrasjet duhet të ndalen”.
Trump thotë se SHBA-të janë “vendi më i nxehtë” në botë, dhe Putin “dëshiron një pjesë të saj” sepse Rusia “nuk është e nxehtë ekonomikisht”.
I pyetur për sulmet e vazhdueshme të Rusisë ndaj Ukrainës, Trump thotë se Putin mendon se kjo “e ndihmon atë të bëjë një marrëveshje më të mirë”, por në realitet “në fakt e dëmton atë”, raporton BBC.
I pyetur nga një gazetar nëse shkëmbimet territoriale janë në tryezë, Trump ka thënë: “Ato do të diskutohen, por unë duhet ta lejoj Ukrainën të marrë atë vendim dhe mendoj se ata do të marrin një vendim të duhur.”
Trump po ashtu u pyet për mundësinë që SHBA-të të ofrojnë garanci sigurie për Ukrainën.
“Ndoshta” përgjigjet Trump, “ka një “mundësi” së bashku me “Evropën dhe vendet e tjera”, por ai thotë jo si pjesë e NATO-s.
Trump u pyet edhe për deklaratën e dhënë dje se Putini do të përballet me “pasoja shumë të rënda” nëse refuzon t’i japë fund luftës.
“Ekonomikisht e rëndë, po. Do të jetë shumë e rëndë”, thotë Trump. “Por po e bëj këtë për të shpëtuar shumë jetë”, vazhdoi Trump
