Gjilan: Fermerët informohen rreth skemës së granteve investuese
Është mbajtur takimi informues mbi Skemën e Granteve Investuese për Fermerët në Gjilan, të organizuar nga MBPZHR dhe GIZ-i gjerman, në emër të Qeverisë Gjermane.
I pranishëm ishte edhe drejtori i Bujqësisë së Komunës së Gjilanit, Bajram Isufi.
Takimi kishte për qëllim informimin e fermerëve të pranishëm për mundësitë e granteve investuese, Lot 1 dhe Lot 2, që janë pjesë e një iniciative për zhvillimin ekonomik rural të qëndrueshëm.
Kjo Skemë ofron mundësi për biznese të vogla dhe ekonomitë familjare që operojnë në fushat si:
1. Mbledhja, përpunimi dhe paketimi i produkteve jo drusore (bime aromatike, mjeksore, kërpudha, etj.)
2. Agroturizëm (ushqim, akomodim, argëtim)
3. Përpunimi i produkteve bujqësore
4. Prodhimi i mjaltit
5. Artizanale
6.Rritja e shpezëve për prodhimin e mishit dhe vezëve
Lot 1: Projekte deri në 5,000.00€
Lot 2: Projekte nga 5,000.00€ deri në 50,000.00€
Afati i aplikimit: Deri më 22. 09. 2025.
Fermerët e pranishëm shfaqën interes të madh dhe morën informacione të vlefshme nga përfaqësuesit e GIZ dhe MBPZHR.
