Superliga vazhdon me xhiron e 33-të, luhet në Klinë dhe Drenas
Xhiro e 33-të në Albi Mall Superligën e Kosovës në futboll vazhdon edhe sot me dy ndeshje që janë në program për t’u zhvilluar.
Padyshim që vëmendja kryesore e kësaj dite në futbollin kosovar do të jetë në Klinë, ku Dukagjini pret Prishtinën.
Klinasit ndodhen në pozitën e shtatë me 41 pikë, derisa kryeqytetasit një pozitë më lartë me dy pikë më shumë.
Fitorja do të thotë shumë si për vendasit ashtu edhe mysafirët dhe në stadiumin ’18 qershori’ na pret një ndeshje e zjarrtë.
Ndeshja tjetër e ditës së sotme do të zhvillohet në stadiumin ‘Rexhep Rexhepi’ në Drenas, ku vendi i fundit në tabelë Feronikeli ’74 pret atë të parafundit, Suharekën.
Nikli tanimë ka rënë nga Superliga dhe po luan mjaftë mirë ndaj gjithë skuadrave, derisa Suhareka ka gjasa minimale për të shpëtuar.
Të dyja ndeshjet e ditës së sotme fillojnë nga ora 15:00.
