Shkruan: Refik Hasani, Opinionist – Referendumi i 1 e 2 marsit 1992 në Luginë të Preshevës
Me rastin e 33-vjetorit të mbajtjes së Referendumi- it të 1 e 2 marsit 1992, popullata me shumicë shqiptare e Komunës së Preshevës, Medvegjës, dhe Bujanocit shpalli këtë Krahinë si Autonome, duke themeluar edhe Kuvendin për Autonomi Territoriale – Politike të shqiptarëve të Rajonit.
Shkruan: Mr. Refik Hasani, opinionist
Pas artikulimit të vullnetit të manifestuar në organzimin dhe mbajtjen e Referendum-it plebishitar të kësaj krahine, në mbrojtje të vullnetit të shprehur në mbrojtje të pragut dhe identitetit, është edhe kryengritja e armatosur e luftës së UÇPMB-ës, ku luftoi heroikisht duke sakrifiku.
Kjo krahinë ngriti e afirmoi në nivelin më të lartë, edhe arritjen e nënshkrimit të Marrëveshjes së Konçulit, me prezencën dhe garantimin e faktorit politik të BE-së dhe ushtarak të NATO-s.
Kjo krahinë shqiptare vazhdon të mbetet rajoni më i pazhvilluar në gjithë Evropën, është krahina më e diskrimunuar në gjithë Evropën, ku kemi pasivizim e diskriminim, një pastrim etnik dhe shkelje të të drejtave dhe lirive të njeriut, si dhe të drejtave kolektive.
Fryma Shqiptare nuk mbrohet vetëm në Tiranë, Shkup, Prishtinë e gjetiu por edhe në këto hapësira të komunave, Medvegjë, Bujanoc dhe Preshevë dhe hapësira tjera etnike shqiptare.
