Haxhiu: Dorëzuam në Gjykatën Kushtetuese komentet e opozitës kundër Ligjit për konfiskimin e pasurisë
Ministrja e Drejtësisë, Albulena Haxhiu ka bërë të ditur se sot kanë dorëzuar në Gjykatën Kushtetuese komentet lidhur me pretendimet e opozitës lidhur me Ligjin për konfiskimin e pasurisë së pajustifikueshme.
Me anë të një postimi në Facebook, Haxhiu tha se përpjekjet disavjeçare të opozitës për të ndaluar konceptin e konfiskimit civil në Kosovë vazhdojnë, ndërsa ka theksuar se ata që e kanë keqpërdorur detyrën e janë bërë milioner nga politika nuk do të amnistohen.
“Duke qenë që për herë të dytë radhazi ky Ligj po kontestohet nga opozita në Gjykatën Kushtetuese dhe kur tashmë kemi adresuar secilën kërkesë të Gjykatës në raport me të njëjtin, urojmë që Gjykatës nuk do t’i duhen sërish 16 muaj për të nxjerrë Aktgjykim”, ka shkruar Haxhiu.
