Nga Qemajl Mustafa: “kujdes nga profilet e rreme dhe portalet “Fake” që tashmë kanë lindur si këpurdhat sezonale!”
Qemajl Mustafa, ish politikan e njëherit ish-kryetar i Komunës së Gjilanit, përmes një shkrimi në profilin e tij në facebook, ka apeluar tek qytetarët dhe votuesit potencial që të mos bien pre e dezinformatave, sic është në traditën e profileve “fallco” dhe mediave e faqeve të rreme në rrjete sociale!
Ai ka apeluar tek të gjithë qytetarët që të bëhet verifikimi i lajmeve dhe postimeve, e rrjedhimisht të arrihet tek e vërteta, duke pretenduar se individë e portale/faqe të caktuara dhe të paverifikuara janë në shërbime të caktuara, të interesuara për të c’orientuar votuesit duke njollosur figura të ndryshme publike që garojnë në zgjedhjet e përgjithshme të 9 shkurtit.
POSTIMI I PLOTË
Miqtë e mi,
Atdhetarë e dashamirë të Republikës tonë e të demokracisë tonë,
Fushata zgjedhore de facto ka filluar që moti e zyrtarisht fillon pas pak ditësh.
Kujdes nga lajmet e rreme dhe nga profilet e rreme nëpër rrjetat sociale. Duhet ta bëjmë bashkë verifikimin e tyre sepse këto lajme e këta individë janë në shërbim të parapolitikave por pse jo edhe të politikave armiqesore ndaj vendit tone dhe qëllimi i tyre final është ç’orientimi i votuesve duke njollosur njerëz e duke u shërby atyre prej të cileve Kosova nuk ka pa hajr kurrë ose thënë ndryshe që Kosovës ia kanë bë ndonjëherë një të mirë e pesë ose më shumë t’kqija.
Është sugjerim i imi që të dëgjojmë, të shohim e të lexojmë me kujdes dhe vetëm nga burimet kredibile e te informuara mirë kur është fjala për mediat dhe ti injorojmë në tërësi portalet dhe profilet “fake” që tashmë kanë lindur si këpurdhat e shumta sezonale.
Edhe një sugjerim imi si qytetar e si votues i rëndomtë:
Ta përcjellim fushatën zgjedhore me kujdes dhe pa e fy askend dhe të dalim sa më shumë në zgjedhjet e 9 Shkurtit sepse sa më shumë që votojmë aq më i besueshëm dhe aq më legjitim bëhet rezultati.
Pse të dalim në zgjedhje përherë vetëm 40% deri 45% e jo deri te 2/3 e listës së votuesve e që i bie 65% deri 70%?!. Veç një popull aktiv, punetor dhe i disiplinuar e nderton me besim, shpejte dhe qendrueshem te ardhmen e vet.
Ne shqiptaret (dhe te tjeret, qe e duan Kosoven) kete mund ta bejme po deshem.
Le ta bejme…
Gezuar
