Kurteshi: Ka me qindra dëshmi dhe fakte që vërtetojnë se Astrit Dehari u vra me urdhër nga lart
Anëtari i Vetëvendosjes, Sami Kurteshi pas intervistimit nga Prokuroria Speciale në Prishtinë, tha para gazetarëve se ka me qindra dëshmi dhe fakte që vërtetojnë se vrasja e Astrit Deharit ka qenë me “urdhër nga lart”, shkruan Gazeta Online Reporteri.net.
Sipas tij, janë mbi tre mijë faqe dokumente të ndryshme, analiza e prova lidhur me rastin Dehari.
“Jam njëri nga personat që e përcjell rastin. Janë mbi 3 mijë faqe dokumente të ndryshme në lidhje me rastin, prova, analiza, rekomandime. Shumicën prej tyre, ato që kam mundur me i siguru, i kam lexuar, i kam përpunuar, i lexoj vazhdimisht. Aty ka me qindra dëshmi dhe fakte që vërtetojnë bindjen time, se rasti i Astrit Deharit është vrasje e plotë. Vrasje e drejtëpërdrejtë me urdhër nga lart”, tha Kurteshi para gazetarëve.
Anëtari i VV-së bëri të ditur se ai është pyetur lidhur me deklaratat e tij në konferencën e 12 gushtit, javën e kaluar.
Por, Kurteshi thekson se i qëndron çdo fjale të dhënë atë ditë në konferencë.
“Pytjet kanë qenë në lidhje me deklaratat dhe me pronocncimin tim më 12 gusht në konferencën për media që kemi pas para Prokurorisë Speciale” tha Kurteshi.
“Natyrisht që unë kam deklaruar që unë qëndroj pranë çdo fjale dhe fjalie të shkruar në komunikatën e shpërndarë dhe pranë çdo fjale që kam deklaruar në konferencën për media”, tha ai.
/Reporteri.net/
