Për herë të parë, Komuna e Gjilanit ka ndarë grante për 46 biznese start-up dhe gratë ndërmarrëse
Gjilan, 10 tetor 2023 – Kryetari i Komunës së Gjilanit, Alban Hyseni, ka bërë të ditur se për herë të parë Komuna e Gjilanit ka ndarë grante për 46 biznese.
Ai bëri të ditur se shuma e ndarë është 135 mijë euro dhe kontratat janë nënshkruar me bizneset e reja start-up dhe gratë ndërmarrëse.
“Nënshkruan kontratat 46 përfitues. Prej tyre 34 biznese të reja Start-Up dhe 12 gra ndërmarrëse të cilat do zgjerojnë bizneset e tyre. Më shumë se 60 vende të reja pune dhe mbi 120 pajisje të punës do të financohen për përfituesit. I lumtur që po fuqizojmë rininë e gratë në biznes. Shumë suksese të gjithë përfituesve!”, është shprehur kryetari Hyseni.
