Policia e Kosovës – Gjilan: Aktivitete javore në komunikacionin rrugor

Gjilan, 18 gusht 2023 – Drejtoria rajonale e Policisë Gjilan, njësia rajonale e komunikacionit rrugor dhe stacionet policore të drejtorisë rajonale të Policisë Gjilan gjatë periudhës kohore 11 gusht 2023 deri 17 gusht 2023, në vazhdën e implementimit të planit operativ ,”Siguria në trafikun rrugor”’ dhe “Sezoni veror 2023”, kanë realizuar aktivitete në zonën e përgjegjësisë që mbulon shtatë (7) komuna.

Gjatë kësaj periudhe janë shqiptuar njëmijë e pesëqind e njëzet e katër (1524) gjoba për kundërvajtësit të cilët kanë rënë ndesh me ligjin për rregullat e trafikut rrugor.

Po ashtu në kuadër të këtij plani janë ndërmarr aktivitete edhe në:

· Hetim i njëzet e gjashtë (26) aksidenteve të komunikacionit me dëme materiale,

· Hetim i njëzet e tre (23) aksidenteve të komunikacionit me të lënduar,

· Shqiptuar masa e ndalim drejtimit të mjeteve për njëzet e pesë (25) ngasës,

Në kuadër të implementimit të planit operacional ,,Telefoni celular’’ nga njësiti rajonal i komunikacionit rrugor janë hasur edhe shtatëdhjetë e tetë (78) vozitës të cilët gjatë drejtimit të mjeteve motorike kanë përdorur telefonat celular. Ndaj këtyre ngasësve janë shqiptuar gjoba konform ligjin për rregullat e trafikut rrugor.

Njësitet policore të drejtorisë rajonale të Policisë Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet.