Pas një udhëtimi të gjatë, Ballkani arrin në Gjibraltar për ndeshjen e kthimit ndaj Lincoln Red Imps
Ballkani ka arritur në Gjibraltar pas një udhëtimi të gjatë.
Skuadra kosovare ka udhëtuar drejt shtetit të vogël të Gjibraltarit për tu përballur në ndeshjen kthyese me Lincoln Red Imps në Ligën e Konferencës. Kampioni në fuqi i Kosovës ka udhëtuar nga Tirana drejt Spanjës derisa nga Spanja në Gjibraltar.
Të besuarit e trajnerit Ilir Daja janë vendosur tanimë në hotel ku sot do të zhvillojnë stërvitjen e fundit para përballjes të enjten mbrëma.
Në ndeshjen e parë të zhvilluar në Prishtinë, Ballkani ka triumfuar me rezultat 2-0 ndaj Lincolnit dhe ka një epërsi komode.
Dueli i kthimit mes Lincoln Red Imps dhe Ballkanit zhvillohet të enjten me fillim nga ora 18:00 me kohën tonë lokale.
