Shkruan: Agron Gërguri, dramaturg – Etno Fest 2023 – Modernia me t’tharmin etnik
Dita| nata e dytë – Modernia me t’tharmin etnik
Shkruan: Agron Gërguri, dramaturg
Zona e debatit
Në zonën e debatit “Liria dhe kufijtë e saj në bisedimin tradicional të odës shqiptare” e moderoi Salih Zogiani përmes anekdotave si shembull se si janë respektuar biseduesit edhe kur nuk janë pajtuar me njeri tjetrin apo kur aty ka qenë prezent dikush i padeshiruar si hafije e pushtetit. Fadil Hysaj argumentoj prishjen e bisedave me debatet televizive si shembull i keqtrejtimit të bisedes ku asnjeri nuk dëgjon e të gjithë flasin, fyejnë njeri tjetrin dhe intelegjencën e shikuesit. Vlera e bisedes sipas traditës qendron te respekti i dëgjuesit dhe mesazhi që transmeton. Salih Zogiani dhe Muzafer Osmani treguan edhe disa anektoda shembuj të kulturës së komunikimit veshur me petkun e humorit.
Etno Performanca
Polifoni labe me grupin “Gjergj Arianiti” Mallakaster me këngët për Janinën, Ismail Qemalin dhe dashurinë entuziazmuan pjesëmarrësit duke prekur nukleusin e qenësisë kulturore si pjesë e trashëgimisë botërore.
Muzikë – Teatër
Linda Ukaj § Arben Bajraktaraj, nga Parisi – Francë.
Një performancë e qiftit Bajraktari – Ukaj me pjesë të recituara nga Arben Bajraktaraj për jetën, kohën, rënkimin e vajzës, kosmosin dhe njeriun midis harfave, dafinave e shtyllave të mermerta gjithënjë në kërkim të dashurisë të cilat i përcolli me një jazznterpretim në mënyrë impresive Linda Ukaj. Fjala dhe melodia gëtshetoheshin bukur në ambientin etnik në pikëtakim me dashirinë. Teatri dhe muzika një intonim i të bukurës përmes fjalës, shprehjes dramatike dhe melodisë që trajton ndjenjat duke i dhënë kuptim hyjnor fjalës “të dua” në pikëtakim me artin tutje me spektatorin si shprehja sublime e marrëdhënies me lirinë duke ec rrugës së dashurisë
Pas mburësimit me ndjenja të përkdhelura me poezi e muzikē në program:
Shfaqje teatrore
e Teatri Kombëtar të Kosovës
“Molly” sipas Brian Friel, Regjisore: Sibel Avdiu
Aktruan: Verona Koxha, Afrim Muçaj, Bujar Ahmeti
Shfaqje e ndertuar kryesisht në monologë tregues. Tema trajton funksionimin e shpirtit pa pasqyren e tij syt. Shikimi i verber si refleksion simbolik i prishjes se raporteve sociale e shoqerore ku gjithsecili i mbyllur ne vete flet per tjetrin edhe pse ai eshte aty. Pra mungesa e dialogut si formë e zvetnimit te njeriut apo ngushtim horizonti i të pamunit shpirtnor shkaku i mungesës së pasqyres se shpirtit shikimit apo arsye tjera që burojnë nga shpërfillja e njerëzores. Partiturat e aktorëve kryesisht veprime foljore zbërthenin marrëdhënien me verbërinë fizike si raport i errësimit të ndenjave dhe nevojës që të shohim me shpirt.
Etni neja
Artistja Linda Rukaj vëri pikën mbi i të ditës|natës së dytë të Etno Fest 20323 me këngë të përpunuara të kënduara e interpretuara me një veçanti zëri e ngjyrimi emocional që përfshiu ndjenjësisht pjesëmarrësit e Natës së dytë të Etno Fest 2023 në Kukaj.
Pjesëmarrësit, mysafirë e vizitorë të rastit flasin me falenderim për mundësitë që u ofron Etno Fest për të kontaktuar me artin, traditen dhe me njëri tjeter në nivel kulture.
Etno fest vazhdon! Etnokënaqje me art, miqësim e bashkëpunim!
