Jeton Rexhepi zgjidhet drejtor në Gjimnazin “Zenel Hajdini” në Gjilan
Jeton Rexhepi, profesor i Biologjisë është zgjedhur drejtor i ri në Gjimnazin Shoqëror ” Zenel Hajdini” në Gjiilan. Ai do të pasoj si zëvendësues i drejtorit tw deritanishëm, Sami Hoxha, i cili do të pensionohet së shpejti.
Lajmin e ka bërë të ditur vet z. Rexhepi në rrjete sociale.
“Nga sot, zyrtarisht, jam përzgjedhur që të drejtojë Gjimnazin shoqëror “Zenel Hajdini” në Gjilan. Dëshiroj që me këtë rast të shpreh falënderimin dhe mirënjohjen time për mbështetjen – nxitjen që më keni bërë për të marrë këtë përgjegjësi e angazhim në njërën nga shkollat më me rëndësi në qytetin tonë. Të gjithë ju që më njihni, besoj e dini se si funksionoj unë në secilën detyrë, të cilën e marrë në përgjegjësi. Ligjet, rregullat e rregulloret e vendit tonë, që rregullojnë secilën fushë të edukimit e arsimit do të jenë rruga e vetme e funksionimit për mua dhe Gjimnazin tonë“, ka shkruar ai mes tjerash.
Pas procesit të rekrutimit, si dhe intervistimit paraprak, sot janë bërë publike edhe emrat e drejtorëve të rinjë në disa shkolla tjera të Gjilanit.
Drejtoresh e Shkollës së Mesme Ekonomike është zgjedhur Fatlume Behluli, ndërsa shkollën e mesme të ultë në Livoq të Poshtëm “Dëshmorët e Kombit” do ta udhëheqë Ejup Bllaca.
Po sot janë bërë publike edhe emrat e drejtorëve të rinjë në disa shkolla tjera. Drejtor i shkollës së mesme të ultë “Ibrahim Uruqi” në Bresalc është zgjedhur Bashkim Syla, ndërsa në shkollën “Vuk Karaxhiq” në Shillovë, Aleksandër Petrovic.
