Argëtuese: Ja çka i tha, e si e befasoi, zonja amerikane shqiptarin që ia zgjodhi bostanin (shalqirin) më të shijshëm e më të pjekur…
Një shqiptar që jeton në Amerikë vajti të blejë një bostan në pazar.
Si zakonisht, ai filloi ti trokasë me gisht bostanët derisa më në fund vendosi të zgjedhë një prej tyre. Një zonjë amerikane që u gjend pranë tij, e kishte vënë re “vesin” e shqiptarit në përzgjedhjen e bostanit dhe e pyeti me mirësjellje: ”Më falni, po përse e trokisni me gisht bostanin para se ta blini?”
Shqiptari iu përgjigj: ”Që të zgjedh bostanin më të pjekur të mundshëm. Në vendin tonë e kemi zakon që kur zgjedhim një kokërr bostani, e godasim me gisht para se të vendosim ta blejmë, dhe nga tingulli kuptojmë cili tingull është më i kumbueshëm, dhe e dijmë se bostani është më i ëmbël e më i shijshëm pasi është më i pjekur.”
Zonja amerikane i tha: ”Sa mirë, a mund të më zgjedhësh edhe mua një kokërr të lutem?”
Shqiptari u ndje i vlerësuar me traditën shqiptare në zgjedhjen e bostanit, prandaj ia nisi punës menjëherë derisa i zgjodhi një kokërr të pjekur mirë.
Amerikania, e falënderoi dhe para se të largohej e pyeti: ”Më ndjeni zotëri, por nga jeni ju?”
Shqiptari iu përgjigj: ”Jam nga Shqipëria zonjë.”
Amerikania buzëqeshi dhe i tha: ”Do të bënit mirë që edhe politikanët e zyrtarët tuaj ti zgjidhnit njëlloj si bostanin!”
***
5 rregullat për ta përzgjedhur një bostan fantastik
Momenti kur pret shalqirin në një ditë të nxehtë vere është thikë me dy presa.
Dëshira për zbuluar nuancën e kuqe dhe rrëzëlluese të zemrës mund të shuhet shumë shpejt, nëse shalqiri që keni blerë nuk është i pjekur mjaftueshëm.
Përzgjedhja e një shalqiri të shijshëm e të kuq flakë kërkon një farë mjeshtërie që në shoqërinë shqiptare për shumë kohë i është atribuar meshkujve të shtëpisë.
Me këto këshilla do të mësoni se si të përzgjidhni shalqirin e duhur, të kuq flakë, të ëmbël e mos të zhgënjeheni kurrë.
Njollat e mëdha
Lëvorja e shalqiri zakonisht ka njolla të cilat janë të bardha dhe të verdha.Këto njolla formohen gjatë vendosjes së shalqirit në tokë ose në fushë.
Shalqiri me shijen më të mirë ka një njollë të madhe me ngjyrë kremoze me nuancë të verdhë.Shmangni shalqinjtë me njollë të bardhë sepse janë pa shumë shije.
Sa më e verdhë njolla aq më i mirë shalqiri.
Të vrarat e lëvores
Të vrarat e lëvores që formojnë një rrjetë kafe të mirëfilltë ndodhin si pasojë e pllenimit të lules së bimës nga një insekt.
Sa më e madhe të jetë e vrara në fjalë, aq më i ëmbël do të jetë fruti.
Forma
shalqiri që ka formë gjatoshe dhe të zgjatur është më i lëngshëm, ndërsa shalqiri i rrumbullakët është më i ëmbël.
Bishti
Bishti i shalqirit duhet të jetë i tharë dhe jo jeshil.
Nëse ai është jeshil, atëherë shalqiri nuk është mjaftueshëm i pjekur.
Përmasat
Përmasa ka rëndësi në përzgjedhjen e shalqirit.
Nëse dëshironi të bëni zgjedhjen e duhur, ju këshillojmë që gjithmonë të kapni një shalqi mesatar por jo shumë të madh dhe as fare të vogël.
