KF Kika vazhdon bashkëpunimin me trajnerin e mirënjohur, Sedat Pajaziti
KF Kika nga Hogoshti, e cila bënë gara në Ligën e Parë – grupi B, përmes rrjeteve sociale ka njoftuar se ka vazhduar marrëveshjen kontraktuale me trajnerin e njohur nga Tërnoci, Sedat Pajaziti.
Në faqen zyrtare të klubit bëhet e ditur se marrëveshja e nënshkruar në vazhdën e bashkëpunimit të këtij klubi me nam në Anamoravë e më gjërë, me trajnerin Pajaziti, është realizuar pas suksesve nga bashkëpunimit i vitit të kaluar që i ka paraprirë, i bazuar në rezultatet e arritura.
Sipas përshkrimit të klubit përkitazi me marrëveshjen e arritur, konstatohet se është arritur me pajtim reciprok, dhe mësohet se dy palët janë ndarë të kënaqura.
Kujtojmë që Pajaziti ka një përvojë të gjatë në udhëheqjen e bankinave të skuadrave të shumëta në Superligën e Kosovës, duke lënë gjurmë të vazhdueshme suksesesh në kreun e të parit të këtyre skuadrave.
Siç mësohet, marrëveshja e sotme e klubit me Pajazitin është nënshkruar me kohëzgjatje një vjeçare, për periudhën 2023/2024 të edicionit të ri të Ligës së Parë të Kosovës në Futboll, Grupi B.
