FC Drita prezanton portierin, Laurit Behluli është gardiani i kornizave të portës
Skuadra nënkampione 2022/2023 e Superligës, FC Drita, përmes faqes së saj në facebook, ka njoftuar për transferimin e protierit, Laurin Behluli.
“Kemi kënaqësin t’iu prezantojmë portierin tonë të ri Laurit Behluli. Lauriti do të zëvendësoj portierin tonë të lënduar Faton Maloku dhe do të jetë një siguri shtesë e portës sonë, së bashku me Smakiqin”, shkruan faqja e skuadrës gjilanase, FC Drita.
“Marrëveshja është nënshkruar në prezencë të drejtorit sportiv z. Valon Zymberi dhe lojtarit në kohëzgjatje prej dy vitesh. Lauriti është njëri prej portierëve me cilësi të jashtëzakonshme dhe me përvojë të mjaftueshme në disa prej klubeve kosovare, dhe koha është që të dëshmojë veten edhe te ekipi ynë!”, përfundon njoftimi në faqen zyrtare të klubit.
