Rasti i arrestimit (intervistimit!) të drejtorit të Shtëpisë së Kulturës në Bujanoc, reagon Zyra për Preshevë, Bujanoc e Medvegjë në Gjilan
Rasti i djeshëm i arrestimit të drejtorit të shtëpisë së Kulturës në Bujanoc, Jetmir Ismaili, ka shkaktuar reagime të shumëta në opinionin mbarë të shqiptarëve gjithandej, përfshirë Kryeministrin Kurti.
Së fundi me një reagim ka dalur edhe Zyra për Preshevë, Bujanoc e Merdvegjë me seli në Gjilan. Në reagimin e saj, kjo zyrë e krahason pushtetin e tanishëm në Serbi me atë të viteve 90-të.
“Është shumë e tepërt që edhe në vitin 2023, të vazhdojnë të ndodhin këso gjëra që nuk e dallojnë aspak pushtetin e tashëm të Serbisë me atë të viteve 90‘ta. Të arrestohet Drejtori i Shtëpisë së Kulturës në Bujanoc z. Jetmir Ismaili, vetëm për një shfaqje është me të vërtetë e pakapshme. Të shpresojmë që raste të tilla të mos përsëriten kurrë, të jetë ky i fundit dhe të reagojë edhe Bashkësia Ndërkombëtare, të shohin kush është agresori i vërtetë!”, thuhet në reagimin e Zyrës për Preshevë Bujanoc e medvegjë me seli në Gjilan.
Siç është njoftuar paraprakisht nga familjarëve, drejtori i Shtëpisë së Kulturës “Vuk Karaxhiç” në Bujanoc, është marrë në stacionin policor për t’u intervistuar rreth shfaqjes së një filmi të metrazhit të shkurtër, i cili është mbështetur nga Qeveria e Kosovës nëpërmjet Këshillit Kombëtar Shqiptarë, e që drejtori i Shtëpisë së Kulturës në Bujanoc i ka dhënë leje që të bëhet promovimi i tij nesër (sot), e shtunë, 11 qershor 2023, po në Shtëpinë e Kulturës në Bujanoc.
