Tragjike: 12 të vdekur dhe mbi 100 të lënduar nga një rrëmujë në stadium
Të paktën 12 persona kanë vdekur dhe mbi 100 të tjerë janë plagosur në një stadium futbolli në El Salvador.
Incidenti fatkeq ka ndodhur në stadiumin Monumental në Cuscatlan, i cili po priste një ndeshje çerekfinale në ligën e Salvadorit mes klubeve Alianza dhe FAS.
Thuhet se kaosi ka ndodhur kur tifozët kanë kaluar nëpër një nga portat e hyrjes në stadium.
FAS dhe Alianza janë dy nga skuadrat më të suksesshme të futbollit në El Salvador , ku e para ka fituar një rekord nëntëmbëdhjetë tituj të ligës kombëtare ndërsa e dyta 16 kampionate.
Policia Civile Kombëtare konfirmoi në Twitter se nëntë persona kanë vdekur pas rrëmujës. Mbështetësit e plagosur po dërgohen në spitalet e afërta, ku dy prej tyre thuhet se janë në gjendje kritike.
Ministri i Shëndetësisë i vendit, Francisco Alabi tha se ekipet e urgjencës ishin vendosur dhe rreth 90 persona aktualisht po trajtohen për lëndime në spitalet lokale.
