Gjilan: Kryetari Hyseni bëri hapjen e kampanjës “Green @ Clean 2023”
Në një konferencë me media, kryetari i Komunës së Gjilanit, Alban Hyseni, bëri hapjen zyrtare të kampanjës “Green @ Clean 2023”.
Në hapje të kësaj fushate, Hyseni vuri nw dukje se parashihet të zhvillohen një sërë aktivitetesh:
“Ne kemi për synim që të shëndërrojmë komunën tonë, një prej komunave më të pastërta të Kosovës, e për realizimin e këtij qëllimi është edhe haja e kampanjës Green@Clean për vitin e dytë me radhë, pra për vitin 2023”, tha ai.
Kryetari Hyseni më tej potencoi disa nga aktivitetet kryesore që parashihet të realizohen gjatë periudhës së paraparë në kuadër të kësaj kampanje:
“- Pastrimi i rrugëve të qyteteve dhe fshatrave; – pastrimi i objekteve institucionale të komunës, si dhe atyre arsimore e shëndetësore; – pastrimi i shtretërve të lumenjve, – eliminimi i deponimeve ilegale të cilat janë përsëritur pas intervenimeve të vitit të kaluar; – mbjellja e drunjëve dekorativ në disa zona të qytetit dhe në hapësira publike, si dhe mbjellja e luleve në ato hapësira, – shtimi i numrit të kontejnerëve që shërbejnë për grumbullimin dhe për koncentrimin e mbeturinave në vende të dedikuara e destinuara për to, si dhe pastrimi i dy pendave, asaj të Livoçit dhe pendës së Përlepnicës.”
Mirëmbajtja e hapësiarave publike u cilësua si nevojë e patjetërsueshme, si dhe imperativ i domosdoshëm, për ç’gjë kryetari Hyseni tha se numri prej 35 punëtorëve të angazhuar do të jetë adekuat dhe i mjaftueshëm, dhe se sipas tij është çështje ditësh kur do të angazhohen punëtorë tjerë për të rrumbuallksuar këtë numër.
Kampanja do të zgjasë deri më nga sot, 26 prill deri më 5 qershor 2023, ndërsa parashihet të jenë të përfshira, përveç mekanizmave institucional edhe Këshillat Lokale të Fshatrave, nxnësit si dhe pjesëtarë të stafit zyrtar komunal, qytetarë e nxënës të shkollave.
