A u kujtohet hiti ‘A më kujton’? Naser Berisha sot feston ditëlindjen
Krijues i shumë hiteve të viteve 90të të shek. XX-të, ndërsa këngët e tij kanë arritur t’i rezistojnë kohës.
Bëhet fjalë për këngëtarin e mirënjohur të Rok-ut, Naser Berisha, i cili sot me datë 27 shkurt feston ditëlindjen.
Këngëtari gjilanas, ka marrë urime të shumta nga njerëzit e dashur dhe ndjekësit që janë në numër, si nga bashkëvendësit e tij të qytetit të lindjes ashtu edhe fansat e tij anëkënd trojeve etnike e diasporës.
Në vitin 2000, Naser Berisha publikon albumin “Jo Mos Thuaj”. Po në verën e vitit 2002, Naser Berisha publikon albumin e dytë “Gjurmët”. Albumi i dytë përgaditet shumë më mirë në çdo aspekt dhe në bazë të një strategjie marketingu, suksesi nuk i mungoi që nga fillimi.
Këngës “A me kujton” i përgatitet edhe klipi dhe lansohet për 12 javë në toplista të ndryshme. Në vitin 2003 si një ndër klipet më të mira, Naseri ftohet në “Netët e klipit shqiptar” në Tirane. Kurse si nje lloj vazhdimësie, në mes të albumit “Gjurmët” dhe albumit të tretë, (2005), Naseri sjell në treg një këngë e cila quhej “Haj shko…”, e cila pas një prezantimi të suksesshëm nëpër Televizione Kombëtare në Kosovë.
Në Gusht 2006, Naser Berisha merr pjesë në Çelësi Muzikor 1 me këngën “Dy Pas Mesnate”, ku fiton çmimin “Vokali më i mirë”.
LEXO EDHE:
Në vitin 2006, Naser Berisha publikon albumin “Nëse Shkon”. Në Gusht 2007, realizoi edhe këngën “Përgjithmon”, në studio “Solid Sound” në Gjilan, e në të njejtën kohë, në bashkëpunim me produksionin “Overtime” poashtu nga Gjilani, realizoi edhe vidoklipin e kësaj kënge.
Më 26 Qershor 2009, Naser Berisha publikon videoklipin “Kur Mbetesh Vet”. Me këtë këngë, ai mori pjesë në “Zhurma Show 2009”. Më datë 18 Gusht 2011, Naser Berisha publikon videoklipin “Deti i Lodhur”. Me këtë këngë, mori pjesë në “Zhurma Shoë 2011”. Më datë 25 Gusht 2014, Naser Berisha publikon videoklipin “Lora”. Me këtë këngë, Naser Berisha merr pjesë në Zhurma Shoë 2014 në vitin 2014.
Më datë 17 Mars 2016, Naser Berisha publikon videoklipin “Hajt Shko”. Më 2017, publikoi videoklipin “Engjujt”. Me këtë këngë, mori pjesë në “Zhurma Show 2017”.
LEXO EDHE:
Më datë 22 Gusht 2018, publikoi videoklipin “Paradox”, kurse më 1 Nëntor 2019, videoklipin “Do Të Dua Dikur”. Videoklipi u prodhua nga kompania BUG Production.
Në Maj 2020, Naser Berisha merr pjesë në “Netët e klipit Shqiptar 2020”, me këngën “Do Të dua dikur”. Më datë 17 Shkurt 2021, publikoi videoklipin “Himni i Nënës”, kurse më 15 Prill 2021, publikoi videoklipin “Në të mirë e në të keq”.
Më datë 25 Maj 2021, Naser Berisha publikon videoklipin “Fjala e thyer”, ndërsa më 24 Qershor 2021, videoklipin “Pikë në zemër”, e më 28 Korrik 2021, videoklipin “Unë heroi ytë”.
Më datë 7 Shtator 2021, Naser Berisha publikon videoklipin “Kohë”, ndërsa disa muaj më pas, në shkurt 2022, publikoi videoklipin “Epikë”. Muzika e këngës u punua nga vet ai, ndërsa për orkestrimin u kujdes Florent Boshnjaku, sipas shënimeve në Wikipedia.
