SC Gjilani ka mbyllur bashkëpunimin me katër lojtarë
Sport Club Gjilani përmes një komunikate zyrtare ka njoftuar se ka mbyllur bashkëpunimin me katër ish futbollistët të deritanioshëm të skuadrës.
Në komunikatë zyrtare thuhet se skuadra ka mbyllur bashkëpunimin me Arion Ymeri, Fabjan Beqja, Besart Krivanjeva dhe Agustin Torassa.
Skuadra ka falënderuar futbollistët për kontributin e dhënë në edicionet e kaluara, duke u dëshiruar suksese në karrierat e tyre të mëtejme.
Kujtojmë që në fundjavë do të rinisin garat e pjesës së dytë të edicionit, me ndeshjet e 1/8 së finales së Kupës së Kosovës, ndërsa Komisioni i Garave tashmë ka caktuar orarin e këtyre dueleve, ku katër ndeshje zhvillohen të shtunën dhe katër të dielën.
Skuadra e Gjilanit ka një sfdë të lehtë para vetes, në përballjen e radhës 1/8 e finales, të dielën më 5 shkurt ndaj FC Vjosa, me synime reale për të vazhduar tutje në kupë, në fazën çerekfinale.
