“Flaka e Janarit” e ARC Beqir Musliu”, tryezë letrare në nderim e kujtim të poetit Rexhep Elmazi
Në nderim të poetit Gjilanas, Elmaz Isufi, e në përkujtim të jetës e veprës së tij, ARC Club Beqir Musliu organizon Tryezë Letrare, në kuadër të Manifestimit “Flaka e Janarit 2023”.
Në shenjë të Ditës së Nesërme …
REXHEP ELMAZI ( 1938 – 25 Maj 1978 )
O ZOT, A E SHEH SA AFËR TEJE JAM
O Zot, a e sheh sa afër teje jam
E ti nuk ma hap dritaren
Vetëm pakëz për të parë në botë
Pakëz dituri
Pakëz trimëri
Për ta mundur dhembjen
Që ma shkaktoi vetmia !
O Zot, menjëherë si i hap sytë
Dhimbja më afron te ti
Dhe zbutem nën pushtetin tënd,
Ti më çon si me një dorë të padukshme
Andej nga fugon zemra ime
Andej nga qetësohet shpirti im
Si qeshja më e ëmbël hyjnore
Ti më thua: Gjërat më të ëmbla janë plot dhembje
Gjërat më të dashura duan flijim të madh
Vetëm kur drejtohem kah ti e shoh se jam njeri
Që mundohem të të shëmbëllej pakëz
E ti ma vijëzon rrugën me dritë
Për të ecur më lehtë përpjetëzës sate
Për t’u rritur më shumë se ata
Që s’dijnë për ty
( Me gjasë, poezia e fundit e R. Elmazit )
Manifestimi kombëtar i kulturës “Flaka e Janarit”, në edicionin e saj të 33-të në këto 32 vite, përmes pjesës letrare PENA E FLAKËS, që është një nga katër shtyllat kryesore të këtij manifestimi, nderon shkrimtarin Rexhep Elmazi përmes një tryeze letrare, në 45 vjetorin e vrasjes së tij tinzare, sipas një skenari të planifikuar të UDB serbe.
Aspekte të ndryshme të poezisë së Rexhep Elmazit, si një trashëgimi shpirtëre e letrare që na mbeti prej tij, do të trajtojnë emra të njohur tashmë në skenën letrare të Gjilanit e të Kosovës si prof dr Anton Nikë Berisha, Mr. Tahir Arifi, Mr. Arsim Halili, Kaltrinë Berisha e Mehmetali Rexhepi.
Tryeza letrare mbahet ditën e nesërme, më 27 janar 2023, ora 13:00 , në Sallën e konferencave të Bibliotekës së Qytetit, “Fan S.Noli”, e do të lexohen dhe poezi nga krijimtaria poetike e këtij shkrimtari nga ana e Diana Toskës.
