Gjilan: Drejtoria e Bujqësisë mbyllë vitin me bilanc pozitiv

Më një mori aktivitetesh Drejtoria e Bujqësisë dhe Pylltarisë në Gjilan ka mbyllur vitin 2022, të cilin e ka cilësuar pozitiv në shumë aspekte.

Ndër aktivitetet kryesore që e kanë përcjellë punën e kësaj drejtorie për vitin që e lamë pas, (2022), kanë qenë të shumta, por janë veçuar disa: – Më 5 prill kjo drejtori ka filluar me përkushtim që t’u dalë në ndihmë fermerëve, fillimisht me shërbime për të aplikuar për subvencione. Ky veprim është vlerësuar tejet pozitiv duke u bazuar në kompleksitetin e përgatitjes së dokumentacionit për aplikim, i cili ka qenë në vazhdimësi sfidë në vete.

E procedura e aplikimit për subvencione është hapur në fund të po atij muaji, saktësisht më 28 prill, ndërsa kanë aplikuar gjithsej 792 fermerë deri më 1 qershor kur ka përfunduar procesi, rreth 100 më shumë se një vit më parë, bazuar në statistikat përfundimtare.

Ndërsa gjatë vizitës së tij në prill në ekonomitë bujqësore e pemëtare në Kravaricë e Gumnishtë, drejtori i Bujqësisë dhe Pylltarisë, Bajram Isufi me bashkëpuntorë profesional, ishte njohur me kërkesat e vreshtarëve për grante e subvenicone, të cilëve u kishte premtuar mbështetje.

Ndërsa kjo drejtori po atë muaj (prill), ka subvencionuar me farë misri për mbjelljet pranverore 465 fermerë. Përfitues kanë qenë kryesisht fermerë me kushte të rënda ekonomike që jetojnë në zonat rurale

Kjo drejtori ka mbajtur edhe sesione informuese për fermerët për grante e subvencione 2022, përkitazi me planin Komunal për Zhvillimin Rural, të organizuar Ministria e Bujqësisë dhe Zhvillimit Rural.

Ndërsa muaji maj është cilësuar si muaji i bletarëve pasi pikërisht në atë muaj të vitit që po e lëmë pas, Drejtoria për Bujqësi dhe Pylltari në Gjilan ka shpërndarë 300 shtëpiza ku kanë përfituar 54 bletarë.

Përkundër granteve e subvencioneve, kjo drejtori ka subvebncionuar bujqit me farë gruri, gjithsej 140 tonë, për 734 fermerë, me ç’rast është vlerësuar tejet e rëndësishme të kthehet vëmendja nga bujqësia në Gjilan.

Interviste e shkrute me drejtorin e Drejtorise se Bujqesise – Bajram Isufi

E nuk ka munguar edhe shpërnddarja e gjedheve, shtatë sosh të racës semental, të cilat u janë dhuruar 7 fermerëve të dëshmuar të komunës së Gjilanit.

E bashkë me Zyrën e Kryetarit, i cili në vazhdimësi e ka mbështetë këtë drejtori, është mbajtur edhe trajnimi adekuat për bletarët e kësaj komune, si rezultat i memorandumit të bashkëpunimit me Universitetin e Prishtinës.

Pamje nga ajktivitetet e Drejtorise se Bujqesise ne Gjilan

Ndërsa së fundi është hapur edhe thirrja për aplikim për serra të zinguara.

Viti 2023 do të jetë shumë më i favorshëm për bujqë, fermerë, bletarë dhe vreshtarë nga Gjilani, duke pasur parasysh rëndësinë që i kushtohet këtij sektori edhe në nivel qëndrorë, si dhe domosdonë e mbështetjes permanente të bujqësisë, si njëri nga segmenetet kryesore e të domosdoshme, të konstatuar madje kruciale për Zhvillimin Ekonomik të Kosovës edhe nga Fondi Monetar Ndërkombëtar e Banka Botërore, si dhe mekanizma tjerë të BE-së.