33 vjet nga demonstrata e përgjakshme e vitit 1989.
Sot me 27 Mars, bëhen 33 vjet nga demonstrata e përgjakshme e vitit 1989, qytetarë të shumtë dolën në rrugë, për të kërkuar Liri e Pavarësi.
Me shume se tri dekada nga demonstratat e përgjakshme të 27 Marsit të vitit 1989 dhe kujtesa liridashëse shqiptare për këtë rezistencë dhe sakrificë të madhe ka mbetur e freskët në mendjet dhe zemrat tona, në të cilat ra në fushën e nderit dëshmori i kombit Ismet Krasniqi. Ishin këto demonstratat më të përgjakshme në historinë e Kosovës, por njëkohësisht edhe më heroiket. Demonstruesit shqiptarë treguan se më e shtrenjtë ishte liria sesa jeta nën robëri, të cilët edhe duke u kacafytur me bishat karpatiane fytafytas treguan se mllefi shqiptar vetëm sa shtohej kundër okupimit serbosllav të Kosovës, në mënyrë që ajo njëherë e përgjithmonë të çlirohet dhe që shqiptarët të vetëvendosin për të ardhmen e tyre.
Në programet për dëbimin e shqiptarëve nga Kosova dhe popullimin e saj me kolonët serbo malazezë, antishqiptarët Vasa Çurbilloviq, Ilija Garashanin, Rankoviq, Milosheviq etj. kaherë kishin bërë planet djallëzore duke e orientuar tehun ndaj kombit tonë deri edhe në shfarosjen fizike. Por ishin rinia shqiptare, në veçanti, dhe populli në përgjithësi, nuk lejuan të realizoheshin planet fashiste të kriminelëve serbo-çetnikë, duke u organizuar vazhdimisht për ta bërë të paqëndrueshëm prezencën e forcave okupatore në Kosovë dhe për çlirimin definitiv të saj deri në bashkimin përfundimtar kombëtar, siç ishte amaneti i dëshmorëve dhe është edhe vullnet i popullit tonë liridashës.
Në këtë rezistencë të madhe, në gjithë Kosoven kanë rënë 28 dëshmorë.
Kurse vetëm në Prishtinë afër Xhamisë së Llapit, kanë rënë dëshmorë,
Ismet Krasniqi, Shukrije Obërtinca, Sevdat Xhafolli, Mustafë Veselaj, Vetim Shala.
Lavdi të gjithë dëshmorëve të kombit!
