Vedat Muriqi shënon dhe asiston për fitoren bindëse (4:1) të Real Mallorca ndaj Sevila
Sulmuesi i Kosovës, Vedat Muriqi nuk ka të ndalur me gola në kampionatin spanjoll.
“Pirati”, jo vetëm që ka shënuar por edhe ka asistuar në fitoren e Mallorcas, të hënën mbrëma.
Mallorca në shtëpi triumfoi 4:1 ndaj Sevillas në kuadër të xhiros së 22-të në La Liga të Spanjës.
Muriqi e zhbllokoi rezultatin e ndeshjes, duke shënuar nga penalltia në minutën e 26-të për 1:0.
Tre golat tjerë për Mallorcan, i shënuan Samu Costa (53′), Sergi Darder (74′) dhe Pablo Torre (97′) për rezultatin përfundimtar të takimit.
Muriqi asistoi në golin e tretë të Mallorcas, që tani ka tubuar 24 pikë dhe ngjitet në pozitën e 15-të në tabelë.
Për Muriqin, ky ishte goli i 15-të dhe asistimi i parë këtë sezon në 21 ndeshje kampionale.
