UKZ drejt bashkëpunimit me investitorin holandez për zhvillimin e sektorit të IT-së në Gjilan
Rektori i Universitetit Publik “Kadri Zeka” në Gjilan Porf. Asoc. Dr. Artna Dërmaku, ka pritur në takim investitorin dhe sipërmarrësin holandez Lennart Koetsier, përfaqësues i kompanisë Multiply, e cila vepron në fushën e teknologjisë së informacionit dhe marketingut digjital.
Në kë këtë takim, z. Koetsier dhe Rektori Dermaku, kanë diskutuar mundësitë e bashkëpunimit mes universitetit dhe kompanisë Multiply.
Gjatë takimit, u theksua interesimi i investitorit holandez për të hapur një zyrë të IT-së në qytetin e Gjilanit, që do të bashkëpunojë ngushtë me Universitetin Publik “Kadri Zeka” për zhvillimin e projekteve të përbashkëta, trajnime profesionale dhe mundësi punësimi për studentët.
Rektori Prof. Asoc. Dr. Artan Dërmaku ka mirëpritur këtë iniciativë, duke theksuar se hapja e një zyre të tillë do të jetë një mundësi e jashtëzakonshme për studentët e universitetit që të përfshihen në projekte inovative dhe të zhvillojnë aftësitë e tyre praktike në përputhje me kërkesat e tregut ndërkombëtar.
Investitorin dhe sipërmarrësin holandez Lennart Koetsier, përfaqësues i kompanisë Multiply, po ashtu ka mbajtur një ligjëratë për studentët e Universitetit Publik “Kadri Zeka”, ku ka ndarë përvojat e tij profesionale dhe ka prezantuar mundësitë që ofron kompania Multiply në tregun ndërkombëtar të IT-së. Ai ka theksuar se kompania është e interesuar të angazhojë studentë të talentuar nga UKZ, duke u mundësuar atyre përfshirje në projekte reale dhe përvojë praktike në fushën e teknologjisë.
Kjo nismë shënon një hap të rëndësishëm drejt forcimit të lidhjes mes arsimit të lartë dhe sektorit privat, duke e pozicionuar Universitetin Publik “Kadri Zeka” si një partner të rëndësishëm në zhvillimin teknologjik dhe ekonomik të rajonit të Gjilanit.
