UKZ do të organizojë Konferencën Ndërkombëtare Shkencore UKZAC-2025
Universiteti Publik “Kadri Zeka” në Gjilan ka kënaqësinë të ju njoftojë për organizimin e Konferencës Ndërkombëtare Vjetore Shkencore UKZAC 2025, e cila do të mbahet më 2 dhe 3 qershor 2025.
Tema qendrore e këtij edicioni është “Teknologjia, Shkenca dhe Arsimi: Rrugët drejt një Shoqërie Inteligjente”.
Kjo konferencë do të mbledhë studiues, akademikë, edukatorë dhe politikëbërës nga rajoni dhe bota, duke krijuar një hapësirë të rëndësishme për shkëmbimin e ideve dhe rezultateve të kërkimeve shkencore në fusha të ndryshme, ku me punimet e tyre do të paraqiten 210 studiues.
Konferenca do të hapet nga Rektori i Universitetit Prof. Asoc. Dr. Artan Dërmaku, në sesion plenar, ku do të marrin pjesë folës të ftuar ndërkombëtarë, të cilët do të ndajnë perspektivat e tyre mbi ndikimin e teknologjisë, shkencës dhe arsimit në ndërtimin e shoqërive inteligjente.
Prof. Dr. Fiorenza Deriu – Universiteti “La Sapienza”, Romë, Prof. Dr. Rifat Škrijelj – Universiteti i Sarajevës, Prof. Dr. Eva Cipi – Universiteti “Ismail Qemali”, Vlorë, Prof. Dr. Bledar Prifti – Kolegji St.
Petersburg, Matthew Coates – Përfaqësues i EU STEM Coalition.
Do të mbahet Ceremonia e Ndarjes së Çmimeve “Marin Barleti”, një moment i veçantë që vlerëson kontributin e shquar akademik dhe shkencor në kuadër të konferencës.
Gjatë dy ditëve të konferencës do të zhvillohen sesione paralele në fusha të ndryshme studimore, me temat përkatëse:
EduDay Conference
Tema: “Arsimi dhe Inteligjenca Artificiale”
Justice Conference
Tema: “Roli i Shtetit të së Drejtës në Epokën Dixhitale dhe Ndikimi i Teknologjisë në Zhvillimin Ekonomik”
Economics Conference
Tema: “Formësimi i Transformimit Ekonomik përmes Inovacionit dhe Teknologjive Digjitale”
DiGiDay Conference
Tema: “Nga Sistemet Inteligjente drejt Shoqërive Inteligjente: Roli i Teknologjive të Reja”
MathDay Conference
Tema: “Matematika dhe STEM”
SocialScience Conference
Tema: “Efektet e Transformimeve Politike, Ekonomike dhe Shoqërore në Dinamikën e Shoqërisë Ndërkombëtare”
Universiteti Publik “Kadri Zeka” fton të gjithë të interesuarit, studiues, akademikë, profesionistë, studentë dhe të tjerë, që të marrin pjesë në këtë ngjarje të rëndësishme ndërkombëtare
