Trump sulmon presidentin e Afrikës së Jugut në Zyrën Ovale për “gjenocid ndaj të bardhëve” – Ramaphosa i përgjigjet: “Më vjen keq, nuk kam një avio për t’iu dhënë” (VIDEO)
Donald Trump sulmoi presidentin e Afrikës së Jugut, Cyril Ramaphosa, të cilin e quajti “kontrovers” në disa rrethe, duke i folur për një të ashtuquajtur “gjenocid” të fermerëve të bardhë në vendin e tij.
Nga ana e tij, Ramaphosa iu përgjigj me ironi: “Më vjen keq që nuk kam një avion për t’ju dhënë”, duke iu referuar ndryshimit të Air Force One.
Duke e pritur Ramaphosën në Shtëpinë e Bardhë, Trump tha fillimisht se ishte “një nder i madh” të kishte pranë presidentin e Afrikës së Jugut, i cili është “me të vërtetë i respektuar në disa qarqe”, por “më pak i respektuar në disa të tjera”.
Presidenti amerikan tha se ka shqetësime të mëdha për situatën në Afrikën e Jugut dhe dëshiron t’i diskutojë ato me Ramaphosën.
Extraordinary moment as Trump plays videos to back up his ‘genocide’ claims in meting with Ramaphosa pic.twitter.com/jIEsDt6kjp
— Danny Kemp (@dannyctkemp) May 21, 2025
“Kemi shumë njerëz që ndihen të përndjekur dhe vijnë në SHBA. Pranojmë njerëz nga shumë vende kur ndiejmë se ka përndjekje apo gjenocid. Zakonisht janë fermerë të bardhë që largohen nga Afrika e Jugut dhe… është e trishtë ta shohësh. Por shpresoj të kemi një shpjegim për këtë, sepse e di që ju nuk e dëshironi një gjë të tillë”, shtoi ai.
Më pas, stafi i Shtëpisë së Bardhë shfaqi video që përshkruanin pretendime për gjenocid ndaj afrikanëve – pasardhës të kolonëve të bardhë.
Ramaphosa qëndroi i heshtur gjatë shfaqjes, por më pas tha se kryqet e bardha të shfaqura në disa pamje ishin “diçka që nuk e kam parë më parë”.
“Do të doja të dija ku është kjo, sepse nuk i kam parë kurrë këto video”, theksoi ai. Në pamjet shfaqeshin dhjetëra makina që transportonin “tërë familje” fermerësh të bardhë që largoheshin nga tokat e tyre. Trump nguli këmbë, duke i treguar Ramaphosës fotokopje të artikujve që flisnin për të bardhët në Afrikën e Jugut dhe duke thënë: “Po i vrasin”.
“Nuk e di çfarë dua që Ramaphosa të bëjë për këtë situatë”, vazhdoi ai. Kur një gazetar e pyeti pse e ftoi në Shtëpinë e Bardhë një njeri që e akuzon për gjenocid, Trump u përgjigj: “Nuk kam vendosur ende. Po përpiqem të shpëtoj jetë”.
“Më vjen keq që nuk kam një avion për t’ju dhënë”
Presidenti i Afrikës së Jugut e siguroi Trumpin se “kjo nuk është politikë qeveritare” dhe se politika e tij është “e kundërta e asaj që përshkruani ju”. Ai theksoi se “në vendin tonë ka kriminalitet. Njerëzit që vriten nuk janë vetëm të bardhët”.
“Ju jeni partner i Afrikës së Jugut dhe keni ngritur disa shqetësime. Jam i gatshëm të flas me ju për to”, shtoi Ramaphosa.
Duke e marrë me ironi çështjen e avionit presidencial, Ramaphosa komentoi: “Më vjen keq që nuk kam një avion për t’ju dhënë”. Trump u përgjigj me humor: “Nëse do të ma sillnit, do ta merrja”.
South African President Ramaphosa to Trump: I am sorry, I don't have a plane to give you. pic.twitter.com/j3he6DEIFF
— Geo View (@theGeoView) May 21, 2025
