Shqiptarët në Preshevë, Medvegjë, e Bujanoc, diskriminohen edhe në përdorimin e simboleve Kombëtare
Shqiptarët në Republikën e Serbisë që jetojnë në Preshevë, Medvegjë, e Bujanoc, vazhdojnë të përballen duke u diskriminuar pasi mungon rregullimi me ligj për përdorimin e simboleve kombëtare.
Shumë qytetarë të kësaj krahine shqiptare vazhdojnë të përballen nëpër gjykata serbe, sepse kanë përdorur flamurin kombëtar shqiptar. Përdorimi i simboleve kombëtare nga shqiptarët në Serbi është e drejtë e tyre njerëzore, kombëtare dhe ekzistenciale, por ende nuk është rregulluar përdorimi me dispozita ligjore, e kështu vazhdon diskriminimi edhe në përdorimin e simboleve.
Shkruan: Mr. Refik Hasani.
Mos lejimi i përdorimit të simboleve kombëtare është shkelje, cenim, mohim i së drejtës elementare individuale dhe kolektive të shqiptarëve në këtë krahinë, përkundër që më datën 1 e 2 mars të vitit 1992 është organizuar dhe mbajtur referendimi dhe ka ndodhur lufta e armatosur në mes të UÇPMB-së dhe forcave të qeverisë së Republikës së Serbisë.
Krahina shqiptare e mbetur padrejtësisht nën administrimin e Serbisë është e diskriminuar edhe në pasivizimin e adresave, një pastrim etnik i heshtur; është e diskriminuar në parfaqësim në institucione lokale dhe qëndrore të Republikës së Serbisë, është diskriminuar në zingjirin Komandues të Policisë, në Gjykata, Prokurori, Shëndetësi, Administratë Tatimore, është e diskriminuar edhe në kulturë, në informim, në investime të zhvillimin ekonomik , mungon Universiteti në gjuhën Shqipe, etj
Kjo Krahinë shqiptare, është e diskriminuar nuk lejohet vendosja e Shtatores së Skënderbeut në qendër të Bujanocit dhe Lapidari i UÇPMB-ës në Preshevë i hequr nga forca policore ende nuk është kthyer në vendin e vet.
Në këtë Krahinë mungon një Institut për ruajtje të trashigimisë kulturo-historike, mungon një universitet publik në gjuhën shqipe, e në anën tjeter, ende nuk pranohen diplomat e Republikës së Kosovës.
Kjo Krahinë shqiptare, është e diskriminuar, pasi është rajoni më i pazhvilluar dhe më i diskrimnuar në gjithë Evropën. Mbi të gjitha, ky rajon që mbulon Preshevë, Medvegjë e Bujanoc, nuk e ka zgjidhur çështjen e statusit politik të shqiptarëve të kësaj krahine, prandaj vazhdon diskriminimi edhe në përdorimin e simboleve kombëtare e jo vetëm.
