SHBA-ja thotë nuk do të ketë më ndihma për Ukrainën
(E plotësuar) Shtëpia e Bardhë ka bërë të ditur se nuk do të ketë më ndihma për Ukrainën. Sekretarja e shtypit e administratës Trump, Caroline Leavitt, ka deklaruar se SHBA-ja nuk do të ofrojë më ndihmë ushtarake për Ukrainën.
Eavitt ka theksuar për Fox News se tash për amerikanët prioritet janë negociatat për paqe në Ukrainë.
“Ne nuk do të vazhdojmë më të shkruajmë çeke të bardhë për një luftë në një vend shumë të largët pa një paqe reale dhe të qëndrueshme. Është e shkëlqyer që kamerat ishin duke regjistruar, sepse populli amerikan dhe i gjithë bota panë se me çfarë po përballet presidenti Trump dhe ekipi i tij pas dyerve të mbyllura në negociatat me ukrainasit”, ka deklaruar ajo.
Ky vendim erdhi pas polemikave gjatë vizitës së presidentit ukrainas, Volodymyr Zelenskyt me homologun amerikan, Donald Trump në Shtëpinë e Bardhë.
Administrata Trump po konsideron ndalimin e ndihmave ushtarake për Ukrainën
Administrata e presidentit të Shteteve të Bashkuara të Amerikës, Donald Trump, është duke konsideruar ndalimin e ndihmave ushtarake për Ukrainën.
“Washington Post” duke u thittur në burime brenda Shtëpisë së Bardhë, raporton se ky vendim do të aplikohej në armatime me miliarda dollarë vlerë, që përfshijnë radarë, autoblinda, municione dhe raketa që po presin të shkojnë në Ukrainë.
Ky qëndrim erdhi si pasojë e përplasjes së të premtes në Shtëpinë e Bardhë, gjatë takimit të presidentit të SHBA-së, Donald Trump, dhe presidentit të Ukrainës, Volodymyr Zelensky, në Zyrën Ovale, rreth marrëveshjes së paqes për luftën në Ukrainë
