Policia: Kujdes gjatë drejtimit të motoçikletave të pa regjistruara ose mos posedimi i kategorinë përkatëse, dhe drejtimit të trotinetëve elektrik
Gjilan, 13 maj 2024 – Njësitet dhe patrullat policore të policisë Drejtoria Rajonale – në kudër të Njësisë Rajonale të Trafikut Rrugorë në Gjilan, dhe stacionet tjera policore, me planin operativ vazhdojnë sekuestrimi e motoçikletave dhe gjobitjen e kundërvajtësve motoristë të cilët nuk respektojnë rregullat e trafikut rrugor, konkretisht që në komunikacion qarkullojnë në kundërshtim me ligjin e trafikut, pa helmeta, pa regjistrim, si dhe pa leje përkatëse.
Me përmirësimin e kushteve atmosferike vije deri te rritja e numrit të pjesëmarrësve në komunikacionin rrugor sidomos atyre që lëvizin në këmbë, biçikleta motoçikleta dhe trotinetete elektrike.
Gjatë këtyre ditëve patrullat policore të Stacioneve të Drejtorisë Rajonale të Policisë në Gjilan janë në zbatim e sipër të planit operativ “Siguria ne Trafik”, ku kontrolle të detajuara ushtrohen ndaj motoçikletave dhe trotineteve.
Policia Rajonale në Gjilan apelon të gjithë ngasësit e këtyre mjeteve që t’i respektojnë rregullat e komunikacionit, e ndër to: – Mjetet e tyre duhet të jenë të regjistruara dhe të doganuara, – targat të vendosen në vendin e duhur, – ngasësit duhet të kenë patentë shoferin me kategorinë përkatëse, – ngasësi dhe pasagjeri duhet të kenë helmetat e përshtatshme për siguri, si dhe në plotni duhet të respektohen shenjat e komunikacionit.
Në të kundërtën si masa preventive do të zbatohen masa konform rregullave dhe ligjit në fuqi, do të ketë zero tolerancë për të gjithë ata që bien në kundërshtim me ligjin.
Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001.
Të dhënat e juaja do të ruhen ne konfidencialitet të plotë.
