Policia e Kosovës – Gjilan: Aktivitete të shumëta në “Java e Sigurisë në Komunitet”
Në vazhdën e aktiviteteve parandaluese e vetëdijësuese, Policia e Kosovës në Gjilan, të martën ka zhvilluar një sërë aktivitetesh, shkruan Tv Gjilani.
Sipas toger Ismet Hashani, aktivitetet e ditës së sotme janë duke u zhvilluar si pjesë e projektit gjithpërfshirës në kuadër të “Javës së Sigurisë në Komunitet”, me fokus në vetëdijësimin për parandalimin e dukurimeve devijante të qytetarëve në tërësi, e nxënësve dhe grupmoshave të reja në veçanti.
Në kuadër të aktiviteteve të paraditës, përveç ligjëratave sensibilizuese me ta, Policia e Kosovës ka organizuar një Mini-Kuiz spontan, përmes të cilit do të konstatoj nivelin e informacioneve të këtyre kategorive për rolin e tyre në shoqëri, si dhe aspektet e tërësishme të sigurisë në bashkësi.
Pasi nxënësit iu nënshtruan testit në formë kuizi, ata u shpërblyen me nga një dhuratë modeste por simbolike nga ana e Policisë, në shenjë vlerësimi e inkurajimi vetëdijësues.
Ky manifestim gjatë ditës parashihet të zhvilloj edhe një sërë aktivitetesh tjera, si në bashkëpunim me përfaqësues institucional nga Komuna e Gjilanit, ashtu edhe me studentë e grupe tjera të interesit, përfshirë qytetarë të kësaj komune./TV Gjilani/
