Nxënësit e klasave të 9-ta nga Shkolla Fillore “Selami Hallaqi” vizituan Qendrën e Karrierës
Sot nxënësit e klasave të 9-ta nga Shkolla Fillore “Selami Hallaqi” vizituan Qendrën e Karrierës.
Ata u njoftuan nga afër përmes këshilltareve te këtij institucioni me mundësitë që Qendra u ofron nxënësve për orientimin e tyre në karrierë, përmes këshillimit dhe ndihmës profesionale.
Nxënësit po ashtu vizituan edhe kabinetet tjera profesionale të shkollës “Mehmet Isai” në Gjilan, bëhet e ditur nga Qendra e Karrierës – IAAP “Mehmet Isai” – Gjilan.
Kujtojmë që Komuna e Gjilanit, gjegjësisht Drejtoria Komunale e Arsimit, kohë më parë ka filluar me një strategjitë re për orientim të nxënsve në karrierë, konform nevojave e kërkesave të tregut të punës.
“Orientimi profesional mbetet njëri nga objektivat kryesore për ne!” u tha veç tjerash gjatë vizitës paraprake ditë më parë në një shkollë tjetër, gjegjësisht në shkollën e Mesme të Agroiznesit “Sahit Baftiu”, në kuadër të aktiviteteve promovuese, me ç’rast të gjithë nxënësit e shkollave të ciklit fillor u ftuan që më datë 26 prill 2024, të njoftohen paraprakisht me profilet profesionale të kësaj shkolle, shkruan Tv Gjilani.
Aktivitete të ngjashme janë zhvilluar edhe në disa shkolla tjera të Komunës së Gjilanit, përfshirë shkollën “Thimi Mitko”, etj.
Domosdoshmërinë e patjetërsueshme për orientim në karrierë të nxënësve të shkollave të Komunës së Gjilanit, kohë më parë e ka theksuar si imediate vet kryetari Alban Hyseni, gjatë vizitës në shkollën “Mehmet Isai”, me ç’rast ka saktësuar se imperativ i patjetërsueshëm i së ardhmes shkollore në të gjitha nivelet do të jetë orientimi në karrierë, konform me strategjinë e harmonizuar me nevojat e tregut të punës. Përgatiti: Xhemail Veseli-/Tv Gjilani/
