Ndahet nga jeta muzikanti i njohur nga Gjilani, Fejzi Leka
Është ndarë nga jeta në moshën 57-vjeçare muzikanti i njohur nga Gjilani, Fejzi Leka.
Lajmi për vdekjen e tij ka pikëlluar familjarët, miqtë dhe dashamirët e muzikës popullore, veçanërisht në rajonin e Anamoravës ku ai ishte shumë i njohur për aktivitetin e tij muzikor.
Fejzi Leka i përkiste një familjeje të njohur muzikantësh nga Gjilani dhe gjatë gjithë jetës së tij u dallua për talentin dhe pasionin për muzikën. Ai shquhej veçanërisht për interpretimin e harmonikës, duke u konsideruar mjeshtër i këtij instrumenti.
Gjatë karrierës së tij muzikore ai ka performuar kryesisht në dasma, ndeja familjare dhe aktivitete të ndryshme folklorike, duke qenë pjesë e shumë
Ahengjeve dhe gëzimeve familjare dhe duke lënë gjurmë në traditën muzikore të Anamoravës.
