Ndahet nga jeta Haxhi Rasim Bajrami, babai i dy dëshmorëve Shaban e Enver Bajrami
Ka ndërruar jetë Haxhi Bajrami, babai i dëshmorëve të kombit Shaban Bajrami dhe Enver Bajrami.
I ndjeri u lind në Breznicë të Komunës së Bujanocit. Pas luftës, pjesën më të madhe të jetës e kaloi në Gjilan.
Lajmin e trishtë për ndarjen nga jeta e ka bërë të ditur familja Bajrami, me fjalët: “Lamtumirë Baba Haxhi, Zoti të pastë në Xhenet. Të Allahut jemi dhe te Ai do të kthehemi.”
Varrimi i të ndjerit bëhet nesër, e enjte, më 30 prill 2026, në kohën e drekës, në varrezat e qytetit të Gjilanit.
Haxhi Bajrami do të kujtohet si prindi që i fali kombit dy heronj: Shaban Bajramin dhe Enver Bajramin, të rënë për lirinë e atdheut.
Ngushëllime familjes Bajrami, miqve dhe të gjithë atyre që e njohën.
