Moti nesër/sot, e mërkurë, 17 maj 2023, dhe ditëve në vazhdim!
Nesër/sot në Kosovë pritet të mbajë mot me intervale kohore me diell dhe vranësira lokale. Pasdite priten rrebeshe të izoluara shiu me vetëtima dhe bubullimë.
Reshjet do të jenë të karakterit lokal, pra vetëm në disa vise ku mund të ketë rrebeshe intensive, por të cilat nuk do të zgjasin shumë. Temperatura maksimale pritet të arrijë deri në 22 gradë Celsius.
Në Shqipëri, Maqedoninë Veriore, Mal të Zi dhe Luginën e Preshevës nesër pritet të mbajë mot me vranësira dhe intervale kohore me diell. Pasdite priten zhvillime të rrebesheve lokale të shiut me vetëtima dhe bubullimë. Reshjet do të jenë të karakterit lokal.
Të ejten pak më ftohtë për shkak të ardhjes së një fronti të ftohtë ajror. Priten reshje dhe rrebeshe kalimtare shiu të cilat do të pushojnë shpejtë për ti hapur rrugë intervaleve kohore me diell.
Të premten dhe të shtunën na pret mot më i qetë dhe më stabil. Priten intervale të gjata kohore me diell dhe vranësira lokale. Rrallë në ndonjë rajon mund të ketë ndonjë rigë ose rrebesh lokal shiu. Temperaturat do të shënojnë rritje veçanërisht të shtunën.
Burimi i lajmit: /Meteo Ballkan
