Buxhetimi Komunal: Drejtorët e Gjilanit dalin në terren! – diskutojnë projektet investuese me banorët lokal

Komuna e Gjilanit ka filluar me prezantimin e procesit të buxhetimit komunal, duke diskutuar me banorë të disa fshatrave më të mëdha, si Zhegër, Bresalc, Miresh etj.

Në këtë strategji komunale janë të përfshira disa drejtori, gjegjësisht drejtorë të drejtorive që parashihet të jenë pjesëmarrëse në projektet e parapara nga banorët vendës, të cilët në takime prezantojnë nevojat e komunitetit, gjegjësisht mungesat e këtyre vendbanime, të cilat më pas selektohen nga komuna për t’u shqyrtuar një nga një.

Shih për këtë, gjatë dy ditëve të kaluara janë mbajtur dy takime; njëri në Zhegër e tjetri në Bresalc, ndërsa gjatë ditëve në vijim parashihen të mbahen edhe disa takime tjera, si ai në fshatin miresh gjatë ditës së Mërkurë, sikurse edhe dy takime pasuese në vet qytetin e Gjilanit, njëri me Gratë e Gjilanit e tjetri me rininë e Gjilanit, saktësisht të enjten dhe të premten, më 18 e 19 maj.

E në vazhdën e takimeve të deritanishme, sipas njoftimeve të publikuara në faqen e tij nga drejtori i Drejtorisë për Buxhet e Financa, Riad Rashiti, nga 16 propozimet dhe kërkesat e parashtruara nga banorët e Bresalcit, u selektuan 5 propozime si në vijim:

1. Kënd i lojërave për fëmijë, apo minipark tek lagjia Xhamia;

2. Minipark te ish shtëpia e Kulturës;

3. Ndriçim nëpër lagje aty ku mungon;

4. Investimet shtesë në fushën e sportit;

5. Ri-destinimi i objektit të postës për çerdhe të fëmijëve;

Siç mësohet nga vet drejtori Rashiti, ky prioritizim idesh do të finalizohet më 11 qershor më datë 11, ora 16:00, kur banorët e fshatit do të vendosin përmes procesit të votimit.

Nga takimi e mbajtur paraprakisht në fshatin Zhegër, u bashkëbisedua me banorët lokal për planifikimin e buxhetit dhe rreth ideve për investime në vlerë 60 mijë euro që i shërbejnë komunitetit aty.

Gjatë diskutimeve me ta, në kuadër të kushteve dhe kritereve të miratuara, sipas Rashitit, u propozuan 10 projekte, ndërsa 4 nga propozimet që kishin më shumë përkrahje janë, si në vijim:

1. Teren sportiv për shkollë

2. Laborator biokimik në QMF Zhegër

3. Renovimi i Shtëpisë së Kulturës

4. Kabinete laboratorike në shkollën e fshatit

Këto 4 projekte do të votohen nga banorët e Zhegrës më datë 3 qershor 2023, projekti që merr më shumë vota, do të jetë pjesë e planifkimit buxhetor komunal për vitin tjetër. Ndërsa edhe projektet tjera, do jenë pjesë e planifikimit për investime nga buxheti komunal. Për herë të parë komuna e Gjilanit bashkë me qytetarët e saj vendos për planifikimin e buxhetit komunal,ka shkruar drejtori pwr Buxhet e Financa nw Gjilan, Riad Rashiti.

Pilot-Projekti i Komunës së Gjilanit për të testuar buxhetimin me pjesëmarrje qytetare, vijon të mërmkurën në fshatin Miresh, ndërsa do të pasoj të enjten e të premten në Gjilan, ku mbahen dy takime: ai me gratë (E enjte, 18 maj) dhe takimi i fundit i paraparë testues është ai që do të mbahet me rininë e Gjilanit, (e premte, 19 maj 2023), në sallën e Kuvendit Komunal në Gjilan.