Riad Rashiti: PDK do ta kundërshtoj fuqishëm nismën për hapjen e deponisë së mbeturinave inerte në Malishevë

Kryetari i Partisë Demokratike të Kosovës (PDK), Dega në Gjilan, Riad Rashiti ka thënë në një reagim të tij se Komuna e Gjilanit po vazhdon me procedurat për hapjen e deponisë së mbeturinave inerte në fshatin Malishevë, një projekt që po ngritë shqetësime serioze tek banorët për pasojat në mjedis hapësinor dhe burimet ujore të kësaj zone.

Rashiti, që është edhe anëtar ë i Kuvendit Komunal të Gjilanit, tha se ky propozim pritet të dalë për votim në seancën e Kuvendit Komunal më 26 qershor 2026. “Ne, si PDK, do ta kundërshtojmë fuqishëm këtë iniciativë dhe u bëjmë thirrje të gjithë anëtarëve të Kuvendit Komunal që të mos e mbështesin një vendim që rrezikon interesin e qytetarëve dhe të ardhmen e kësaj zone”, ka thënë ai.

I pari i PDK-së në Gjilan tha edhe se do ta ftojë Këshillin e Fshatit Malishevë dhe banorët që të reagojnë kundër këtij projekti.

Rashiti tha se Malisheva nuk duhet të shndërrohet në deponi. Kjo zonë përfaqëson një nga pasuritë më të çmuara natyrore të fshatit dhe duhet të mbrohet me çdo mjet demokratik e institucional.

“Nuk do të qëndrojmë të heshtur përballë vendimeve që mund të cenojnë shëndetin publik, mjedisin dhe cilësinë e jetës së qytetarëve tanë. Malisheva duhet të mbrohet nga ky projekt që nuk duhet të kalojë”, ka thënë Riad Rashiti i PDK-së.