Mblidhet LVV, votohet mandatari për kryeministër
Këshilli i Përgjithshëm i Lëvizjes Vetëvendosje do të mblidhet sot për të caktuar mandatarin e ri për kryeministër.
Takimi do të mbahet nga ora 12:00.
Të dielën Qeveria Kurti III nuk mori votat e mjaftueshme në Kuvend.
Partitë ish-opozitare kanë thënë se nuk do të provojnë të formojnë qeveri, duke kërkuar zgjedhje.
Në takimin e presidentes Osmani me liderët e partive politike nuk u arrit ndonjë marrëveshje. Aty u tha se Kurti kërkoi që të provojë edhe një herë formimin e qeverisë.
Nga LVV kanë thënë se nuk kanë mandatar tjetër pos Kurti për kryeministër, ndërsa sipas njohësve të Kushtetutës, Kurti nuk i lejohet në këtë moment të jetë mandatar.
